Corte y Ministerio Publico a firma acuerdo nobo, incluyendo OM di Aruba

WILLEMSTAD - Riba diarason 21 di augustus y seguidamente riba diabierne 23 di augustus 2024, Fiscal General di Aruba, Fiscal General di Corsou, Sint Maarten, y di Boneiru, Sint Eustatius y Saba, y e Presidente di Corte Comun di Husticia a firma un acuerdo y reglanan di procedura Penal door di Corte y Ministerio Publico.

MOMENTO HISTORICO 

E firmamento aki ta marca un momento historico den cual Corte ta haci acuerdonan di trabao cu ambos Ministerio Publico pa prome biaha. E ultimo acuerdo a keda sera firma solamente cu Ministerio Publico di Corsou, Sint Maarten y Boneiru, Sint Eustatius y Saba. Ministerio Publico di Aruba awor tambe ta forma parti di e acuerdonan aki.

E akuerdo ta stipula acuerdonan riba un metodo di trabou uniforme pa e maneho di casonan penal y e capasidad di audiencia na cada ramo di Corte. E acuerdonan di trabou a wordo elabora mas aleu den e reglamento di procedura penal, cu tambe a wordo firma pa e partidonan menciona anteriormente. E acuerdo y e reglamento di procedimento penal lo drenta na vigor dia 1 di sèptember 2024.

E acuerdo ta enfoca en particular riba acuerdonan tocante disponibilidad di audiencia na tur ramo di Corte y lo wordo conclui anualmente. E firmamento di e acuerdo aki ta marca un otro logro importante, no solamente pasobra e acuerdo anterior ta data di varios aña pasa, pero tambe pasobra e acuerdo aki ta wordo flankea pa prome biaha pa regulacionnan di procedura penal. E establesimento di e reglamentonan di procedimento penal aki ta complementa e reglamentunan di procedura existente, esnan pa casonan civil y derecho administrativo.

E reglamentonan di procedura penal tin como meta pa trece uniformidad den e forma con casonan penal ta wordo atendi door di Corte, Corte di Apelacion y Ministerio Publico, tanto den prome instancia como den apelacion. Caminda ta necesario, e regulacionnan ta ofrece espacio pa personalisacion pa haci husticia na e situacion local specífico.

E regulacionnan tambe ta enfoca riba mehora varios proceso, manera planificacion y nombramento, composishon di archivo y procesamento administrativo despues di un desicion. Un meta importante di e regulacionnan ta pa contribui na un reduccion di tempo di procesamento den casonan penal.

E reglamentonan ta percura pa un procedura pa desaroyo y mehoracion y lo wordo adapta riba termino corto na e Codigo Nobo di Procedura Penal cu ya a wordo introduci na Aruba.

E reglamento di procedura penal por wordo haya riba e website di Corte:

http://www .gemhofvanjustitie.org/