Oduber: Mundialmente e reto pa personal di cuido medico ta grandi dus no ta na Aruba so

ORANJESTAD – “Mundialmente e retonan pa cu personal den cuido medico ta grandi. Na Aruba esaki no ta un excepcion. Nos tin tur atencion pa cu e situacion pa por adresa esaki”. Asina e minister encarga cu salud Dangui Oduber a reacciona riba e relato di Noticiacla di dialuna riba escases pa retene personal medico na hospital Horacio Oduber. Den e articulo en cuestion, e director Vroegop ta ‘bati alarma’ riba e tema aki,. 

BENCHMARK Y ESTUDIO

“Nos ta haciendo un benchmark y estudio kico lo ta e mihor structura di salario pa specialistanan”, e mandatario a sigui bisa. “Na mes momento lo haci esaki pa tur personal di cuido pa asina percura pa personal di cuido ta wordo bon paga”.

MESTER APRECIA E TRABOU

Segun e mandatario, e personal di cuido ta hopi importante y ta pesey mester aprecia y balora nan trabounan cu bon beneficio. “Hospital a caba di firma un CAO nobo caminda trahadornan a conoce un aumento.

Tambe HOH academy ta bezig ta leid op diferente personal pa asina nan yega e nivel international. Esey lo hasi e ora cu e personal local mes por yena e vacatura nan aki y nos lo ta menos dependiente di personal di afo. Tur e inversion nan aki lo duna su fruto aki algun tempo” e mandatario a finalisa bisando.