Esaki a ‘lek’ tocante e iPhone 16 nobo: Mas largo, mas hancho y un boton nobo

SEATTLE – E compania mundial Apple lo duna un presentacion dia 9 di september pa 7:00 PM den cua probablemente nos lo wordo introduci na e generashon nobo di iPhone. Manera semper, Apple no ta indica di antemano kico exactamente lo wordo anuncia, pero esei no ta altera e echo cu tin hopi rumor confiabel ta bay rond. E fabricante di e iPhone tradicionalmente ta anuncia e version nobo di e iPhone tur aña na september. E aña aki, ta anticipa cu e iPhone 16, 16 Pro y 16 Pro Max lo wordo revela. Di acuerdo cu rumornan di MacRumours y Tyler Morgan, entre otro, ademas di productonan nobo, e presentacion lo draai tambe rond di AI of Apple Intelligence ya cu e compania ta usa e termino mes. Pa anuncia e presentacion, Apple a comparti un version nobo di nan conoci logo y e texto ‘It’s Glowtime’. Un pun riba ‘Ta Showtime’.

Modelonan dummy di e telefonnan nobo a sali na april y a mustra cu e iPhone di generacion nobo lo ta un tiki mas largo i mas hancho cu e iPhone 15. Un otro potret cu a filtra ta mustra cu e telefonnan nobo lo tin un boton extra na banda. Esaki probablemente ta destiná como un shortcut pa e app di camara di e iPhone nobo. Ademas, Apple lo lansa e iPhone 16 den cuater colo. E conoci version blanco y preto, un version grijs y un version di oro rosa.