Crucero ta kita 2 bishita programa pa Boneiro y añadi Aruba y Corsou pa 2025

MIAMI - Di acuerdo cu un declaracion manda pa huespednan reserva, e cruceronan cu ta programa pa sali dia 16 di february y 23 di february 2025 lo no bishita e waf di Boneiro mas. Ta trata di e barconan di Norwegian Cruis Line. 

"Nos ta compromete na provee ​​e miho vakantie riba laman i a bin ta trahando incansablemente pa sigui eleva e calidad di e experencia general di e huesped mientras ta impacta sosiedad y medio ambiente positivamente,” Norwegian Cruise Line a bisa.

“Mientras nos ta sigui optimalisa itinerarionan pa mehora disponibilidad di excurcion na haf y costa pa e experencia di vacantie final, optimalisacion di combustibel como parti di nos compromiso cu medio ambiente y esfuersonan di sostenibilidad, y tambe regulacionnan marítimo mundial, nos a ahusta nos itinerario original,” e compania a agrega den su comunicado.

Navegando ida y vuelta for di San Juan, Puerto Rico, e itinerario di e biahenan afecta ta nabega pa Caribe Sur y Oriental.

“Nos ta reconose e importancia cu destinacionnan ta hunga den e proceso di tumamento di desicion di vakantie di nos huespednan i ta sigura bo cu e modifikacionnan aki a wordo haci cu un experencia optimal di huésped na prome luga,” Norwegian a sigui bisa.

E compania a agrega cu, mientras cu a baha e bishita na Boneiro, e itinerario revisa awor ta inclui bishitanan ekstende na La Romana, Republika Dominicana; Oranjestad, Aruba; Willemstad, Curacao; Castries, Santa Lucia; y Basseterre, St. Kitts.

Di acuerdo cu e comunicado, excurcionnan na Costa reserva a traves di Norwegian pa Kralendijk, Boneiro, lo keda cancela automaticamente.

Un restitucion monetario completo di e tarifa paga lo wordo debolbí na e forma di pago cu a wordo usa na momento di reservacion.

Norwegian tambe ta wordo bisa di ta ahustando excurcionnan na costa den otro hafnan di salida pa cuadra cu e tempo nobo den haf.