Corte: Sentencia di bida largo pa dobel asesinato Hato

WILLEMTAD - Corte a duna veredikto den e caso dobel asesinato na airopuerto Hato na 2014 na unda e hombernan Djais Juliana i Shentley Arnhem a perde nan bida i varios persona a resulta herida:

J. "Mob" M. A haña castigo di bida largo (demanda bida largo)

A. "Veneno" M. a haña castigo di bida largo (demanda bida largo)

R.B. a haña castigo di 20 aña (demanda 24 aña)

R "Naldo Rasta" M. a haña castigo di14 aña (demanda 12 aña)

G "Rama" M. a haña castigo di 12 aña (demanda 12 aña)

E CASO

E tratamento di e caso ‘Hato’ a inicia dia 28 di mei den sala di Corte na Corsou. E caso ta relata e asesinato cu a sosode casi un aña pasa riba 15 di juli 2014 na aeropuerto Hato, unda cu dos persona, Jais Juliana y Shantley Arnhem a perde nan bida. Corte a reserva dos dia pa trata e caso aki. E prome dianan tabatin tin sospechosonan cu tin cu presenta. E promenan tabata Givency Maria y Renaldo Martina  cu a presenta den Corte. Maria su abogado tabata mr. Alicia Blonk y abogado di Martina tabata mr. Johannes. E hues tabata e mesun cu a trata e caso Wiels.

PROME SOSPECHOSONAN

E dos personanan aki no ta esnan principal den e caso, sino mas bien esnan cu lo a ‘wak’ e tiroteo sosode, y tabatin informacion y cierto detaye di e caso. Awe mainta nan a conta huez kico nan ‘envolvimento’ tabata den e caso. Nan dos tabata den un auto na e sitio ora cu e tiroteo a sosode. Maria ta esun cu tabata stuur, y Martina ta e pasahero den auto. Nan a admiti di tabatin arma den nan poder, pero cu nan no a participa den e tiroteo. Nan conoce esnan cu a tira si, y a sigui nan despues, bay for di e sitio, pa polis no gara nan pa motibo di un arma cu un di nan tabatin, esta un 9mm. Asina nan a sigui conta huez kico tur nan a pasa aden e anochi ey, casi un aña pasa.