InselAir ta aumenta frecuencia pa varios destinacion caribense

WILLEMSTAD - Pa motibo cu tin un demanda grandi pa e destinacion nan menciona anteriormente conecta cu InselAir su red di 24 destinacion, InselAir lo subi su cantidad di buelo nan pa Paramaribo, Port-au-Prince, Kingston i Santo Domingo.

8 BUELO SEMANAL PA PARAMARIBO

InselAir ja caba ta ofrece buelo diariamente pa Paramaribo i entrante 3 di juli lo ofrece un buelo extra saliendo for di Corsou riba diabierna. E buelo lo sali for di Curacao Airport Hato pa 20:25 i lo yega Paramaribo 23:55. E buelo lo sali pa Corsou riba diasabra pa 7:15 y lo aterisa na Corsou pa 9:00.

PORT-AU-PRINCE

Buelo direct pa Port-au-Prince: awor 3 biaha pa simanPa mehora e conectividad pa Port-au-Prince i tambe di Port-au-Prince riba nos red, InselAir lo añadi un buelo direct di Corsou pa Port-au-Prince na su schedule riba dialuna, cual lo subi e frecuencia na un total di 3 buelo pa siman. E buelo lo sali Corsou pa 09:50 i lo aterisa na Port-au-Prince pa 11:50. E buelo di regreso lo sali riba e mes un dia pa 12:50 y lo yega Corsou pa 14:50. E frecuencia adicional aki lo cuminsa 6 di juli 2015.

KINGSTON: 3 BUELO PA SIMAN

Un buelo lo wordu añadi riba diaranson, saliendo for di Corsou 10:10 i lo yega Kingston 11:40. E regreso lo ta riba e mes un dia pa 12:40 i lo yega Corsou pa 16:10. 2 buelo extra direct pa Santo Domingo For di 2 di juni InselAir ta ofrece 2 buelo non stop for di Corsou pa Santo Domingo riba diamars i diabierna. E buelo riba diamars ta sali 09:50 i ta yega Santo Domingo 11:40. E buelo di regreso lo sali 12:30 i lo ta bek na Corsou pa 14:20. Riba diabierna e buelo ta sali 15:20 i lo yega Santo Domingo 17:10. E buelo ta regresa Corsou 18:00 i lo yega pa 19:50.