Walz ta acepta nominacion como candidato pa vice presidente democratico Mericano

CHICAGO - Tim Walz a acepta e nominacion como e candidato democrático pa vice presidente. E ta Kamala Harris su compañero di candidatura den e proximo eleccionnan presidencial Mericano.

Walz a wordo ricibi na e Convencion Democrático na Chicago pa sostenedornan cu borchi cu ta bisa “Coach Walz,” referiendo na su pasado como maestro y coach di teamnan di futbol i basketball Mericano na scolnan na Nebraska i Minnesota. “Ta e honor di mi bida pa acepta bo nominacion pa Vice Presidente di Merca,” Walz a bisa. Tambe el a gradici presidente Biden i candidato Harris. Walz a bisa cu e kier  join Harris den lucha pa libertad pa “crea un miho bida pa bo mes i e hendenan cu bo ta stima.”