Crisis na Corsou: ‘Lo’ Martinez: KEM semper ta cla pa forma coalicion cu MFK

WILLEMSTAD - Michelangelo ‘Lo’ Martinez di partido KEM ta di opinion ku durante e último reunion di parlamento ku minister Javier Silvania, Gwendell Mercelina i Sheldry Osepa a traha un plan.

Martinez: “E chabalitunan di Nashonal den kombinashon ku partido PAR. Nan a purba di changa minister Silvania.” Awor koalishon a kibra, pasobra MFK a duna di konosé ku nan na ke traha huntu mas ku e dos parlamentario, Martinez ta splika.

Relashoná ku e krísis Martinez ta bisa ku ‘KEM semper ta kla pa traha.’ “Nos a bai elekshon pa traha ku pueblo di Kòrsou.” Riba pregunta si e ta kla pa forma koalishon ku MFK e ta bisa: “KEM ta kla pa traha pa pueblo di Kòrsou.”

Tambe e ta enfatisá ku KEM semper a sostené e gobièrnu aktual den e último tres aña i mei den parlamento. “Nos ta kritiko, pero nos a sostené tur tur gabinete di MFK i PNP. Pasobra nos ta kere den nan ideologia i manera kon nan a traha.” Segun Martinez awor por tin elekshon ‘òf KEM ta duna un man pa yuda gobièrnu’.NOTA: Texto ta scirbi den Papiamento fonetico di Corsou.