Minister Faber ta deklara crisis di Asilo na Hulanda: ‘Tur cos ta yen’

DEN HAAG – Hulanda ta den un crisis di asilo. Esey ta e posicion oficial di gabinete Schoof, segun minister Marjolein Faber (Asilo y Migracion). Hasiendo esaki, e ta parce di ta preparando pa e introduccion di un ley di crísis di asilo cu a wordo anuncia caba i un posibel choke cu e comishon Europeo.

Faber a responde diarason prome cu drenta e Catshuis pa negosiacion di presupuesto riba informenan di De Telegraaf, cu a mustra cu kasi 40.000 biahero di seguimento (miembronan di famia di solicitantenan di asilo cu ta wardando un caminda den exterior pa tende si nan tambe por bini Hulanda) lo yega den futuro cercano. Aña pasá, nuebe di cada dies peticion pa biahe en coneccion cu reunificacion di famia a wordo otorga.