Municipio Den Haag ta rechasa e compromiso di Promé Minister Schoof: Binnenhof mester ta completamente bashi

DEN HAAG – Ambtenaarnan di Prome Minister Dick Schoof definitivamente no mag di uza e Binnenhof mas. E edificionan, incluso e Torentje, mester ta completamente bashi pa dia 18 di september, konseho di Den Haag a dicidí. “E límite a wòrdo alkansá,” Alcalde Jan van Zanen a bisa dialuna. Esaki ta nifica cu e compromiso cu Promé Minister Schoof a propone a keda rechasá. Ministerio di Asuntunan General, cu aktualmente ta e unico usuario di e edifisionan, mester bandona e Binnenhof pa mas tarda 18 di september, alcalde Van Zanen a duna di conose. Esaki ta debi cu siguridad contra candela awor ta inaceptabelmente halto y no por wordo controla mas cu medidanan adicional.

Tin riesgonan grandi di candela y, como resultado, tin riesgonan pa bida humano di tanto esnan presente como bomberonan. Esaki ta nifica tambe un riesgo di daño grandi, ireparabel na e herencia mes y, den e pio caso, na edificionan (historico) pega cune y un coleccion di arte iremplasabel”, un vocero di e municipio a bisa.

E gabinete tabata kier pa decenas di ambtenaar sigui traha na e ministerio te cuminsamento di otro aña, pasobra nan ta traha cu informacion delicado. Seguridad di informacion no ta na òrdo ainda den e edifisio caminda e ministerio ta mudando.

Ministerio di Asuntunan General ta confirma cu e la ricibi un mensahe di gemeente. E ministerio lo revisa e desicion, el a bisa. E departamento no kier bisa mas por lo pronto. Si e mandatarionan no bay, e municipio por impone un multa di 100.000 euro pa siman – te un maximo di un miyon euro.

Algun aña pasa, e Camara di Representantenan a muda pa e Ministerio di Asuntonan Exterior bieu riba e Bezuidenhoutseweg, banda di e Malieveld. E Senado tambe ta na un otro luga durante e renobacion di e Binnenhof. No ta sigur ki dia tur hende por regresa. Algun luna pasa a sali na cla cu e renobacion lo ta considerablemente mas caro y tambe lo tarda mas. E reapertura lo no ta te na aña 2028 mas trempan.