Tin 1.5 miyon pa reparatietoeslag di empleadonan di sector priva na 2024

ORANJESTAD – Un otro inversion grandi di parti di Gobierno di Aruba na e bienestar di e ciudadanonan ta trata di e aumento riba e salario di empleadonan di e sector priva cu ta gana maximo 2500 florin pa luna.

Prome Minister Evelyn Wever-Croes a indica cu ta trata di un total di 6000 persona cu ta haya un aumento di 600 florin pa aña y e gastonan envolvi pa aña 2024 ta di 1.5 miyon florin y pa aña 2025 lo ta 3.6 miyon florin.

“Manera ta conoci, no ta Gobierno ta paga e salario di e trahadonan aki, sino e doño di e empresa unda nan ta labora. Loke si Gobierno ta haci ta cu e ta duna e trahado di sector priva un toeslag riba su entrada y akinan e trahado a ricibi un aumento recientemente. Mi ta reitera cu un di e metanan principal di nos gobernacion ta pa e progreso cu Aruba ta bibando na e momento aki wordo converti den prosperidad y bienestar pa tur ciudadano na Aruba”, Prome Minister a expresa