Iran ta rechasa yamadanan pa restriccion di paisnan Europeo

TEHERAN - Ministerio di Relacionnan Exterior di Iran ta rechasa yamadanan di Francia, Gran Bretaña y Alemania pa abstene di ataca Israel. Segun Iran, e yamada ta falta “logica polítiko” y ta “contrario na e principionan di derecho internacional.”

E tres paisnan europeo ayera a haci un yamada na Iran y su aliadonan den un declarashon conhunto pa “abstene di atakenan cu lo sigui escalá e tensionnan regional.” Prome ministro Britanico Keir Starmer a reitera e yamada aki awe mainta den un combersacion telefonico cu e presidente Irani Masoud Pezeshkian.

E asesinato di e lider di Hamas, Haniyeh, na Teheran, cu ampliamente ta kere cu a wordo ehecuta pa Israel, a tensiona mas ainda e situacion den Medio Oriente. Iran a bisa cu e lo tuma vengansa pa e morto di Haniyeh y ta kere cu e ta den su derecho pa respondé na “un violashon di su soberania.”

Iran ta acusá paisnan Oropeo di a dirigi nan mes na Iran den e declaracion, pero no ta opone na “e crimennan di [Israel]”. “E apoyo politico y militar extenso di gobiernonan occidental pa [Israel] ta e factornan principal tras di e expancion regional di e crisis di Gaza,” un vosero di e ministerio Irani a bisa.