Tormenta Ernesto a nace y ta cera aeropuerto di St Maarten

PHILLIPSBURG – Cu nacemento di e tormenta tropical Ernesto mas prome dialuna atardi, e isla di St Maarten ta cera su aeropuerto internacional entrante diamars mainta te cu diahuebs. Esaki pasobra e tormenta su pasada ta bay ta hopi cerca di e isla. “E pronostico di tempo ta mustra cu tormenta fuerte lo impacta visibilidad y e condicion di e pista di aterisahe, cu ta haci e situacion insigur pa operacion di avion” e gobierno di e isla a laga sa dialuna. 

ALERTA

E isla mes ta bou di un tropical storm warning cu ta nifica cu dentro di 36 ora, e isla lo cuminsa sinti e efecto di un tormenta tropical.

E TORMENTAPa loke ta e tormenta mes, dialuna anochi 8’or, e centro di e tormenta tabata ubica 16 grado nort, 58.5 grado west, y tabata moviendo direccion west nort west, cu un velocidad di 44 km pa ora. E ta premira pa pasa pasuit di e isla  mas laat dialuna anochi.