Aeropuerto di Aruba ta keda cera te diasabra mainta!

ORANJESTAD – Contrario na pensamento anterior, aeropuerto di Aruba lo keda cera diabierna te cu diasabra mainta 7’or. Asina e gerencia a informa diabierna atardi. “Reparacion no por keda completa na tempo” e mensahe ta sigui bisa, pa por habri 7:30pm, pues e ora a opta pa mantene e aeropuerto cera te diasabra mainta. 

AIRPORT TA CUBRI GASTO

Rebooking di buelo y gastonan di accomodacion (hotel) lo keda cubri pa aeropuerto (AAA), si esaki keda atendi via e aeroliña. A pidi hotelnan pa acomoda e pasaheronan cu a keda pega di buelonan cancela di awe. “Nos ta pidi despensa pa e inconveniencia y ta aprecia bo comprenshon”. 

PROBLEMA CU SISTEMA DI AIRCO

Manera ta conoci, diabierna mainta aeropuerto a haya nan mes confronta cu un problema di airco, cu a resulta di ta uno hopi serio. Dje serio cu mester a resorta na cera e aeropuerto completo despues, prome pa 3 ora, despues te cu 7:30pm. Awor esaki ta keda cera te cu diasabra mainta 7or.