Oduber: Gastonan relaciona cu situacion na airport ta grandi y un golpi fuerte

ORANJESTAD – “E situacion actual na airport ta uno hopi fastioso y hunto cu board lo garantiza pa esaki no sosode mas”. Asina minister di turismo, responsabel pa aeropuerto, Dangui Oduber a bisa noticiacla diabierna atardi. “ Importante pa awor ta cu problema wordo soluciona awe ainda pa asina toch por saca algun vuelo si por awe nochi” e mandatario a sigui bisa. 

TECHNICONAN TRAHANDO

Techniconan ta trahando varios ora caba pa soluciona e problema. Tin contaco estrecho entre ministerio di turismo, AAA, ATA y AHATA pa coordinacion di tur pasaheronan cu a wordo afecta.

GASTONAN TA GRANDI 

“E gastonan ta grandi. No por bisa exactamente cuanto e daño financiero ta pero si cu e ta un golpi fuerte pa e compania AAA. AAA lo asumi e responsabilidad pa cubri e gastonan envolvi” e mandatario a finalisa bisando. .