‘Re-imaginacion’ di 100 miyon dollar di Hilton Aruba Caribbean Resort ta cla na augustus 2025

ORANJESTAD - Hilton Aruba Caribbean Resort & Casino ta pasando door di un proyecto progresivo di mehoracion di e resort pa sigui eleva e experencia di e resort. Pa debuta den augustus di 2025, e re-imaginacion di $100 miyon pa henter e propiedad ta inclui un expansion cu un toren nobo sofistica canto di beach, conceptonan culinario nobo y mehoracionnan na e kambernan di huesped di e torennan existente.

“E mehoracionnan aki lo redefini e experiencia di e huespednan na e resort premia y sigui amplia nos legado como un top destinacion pa bishitantenan di Aruba”, segun Lawrence Tuck, gerente general. “Durante e proyecto, nos ta sigui yama bishitantenan bon bini cu e servicio y hospitalidad excepcional cu nos ta conoci p’e y ta ancioso pa surpasa e expectativanan unabes cu e expanshon ta completa.”

E apertura di e toren nobo banda di laman a cuminsa na mei 2023 y ora e keda completa, e adiccion sofistica aki na e propiedad lo conta cu bista  spectacular di e Palm Beach anhela. Agregando 161 acomodacion di calidad halto, incluyendo 18 suite canto di laman, e toren nobo aki lo opera como un experencia exclusivo di “hotel denter di un hotel” y aumenta e nivel di experencianan eleva na e propiedadiconico. Cu elementonan di diseño moderno di mitar di siglo, e toren lo conta cu un concepto exclusivo di clup riba dak pa adulto so cu bista di Laman Caribe.