Aeroliña na Corsou mester a baha pasaheronan di avion pasobra a cera aeropuerto di Aruba

WILLEMSTAD - Mientras cu aeropuerto di Aruba ta trahando na resolve e problema di airco, esaki a cuminsa afecta buelonan cu mester a yega Aruba. Entre nan tabatin un buelo di Divi Divi Air cu mester a sali pa 10’or di Corsou pa Aruba. Noticiacla a confirma cu pasaheronan cu tabata den e avion, cla pa sali pa Aruba, mester a desaborda pasobra ‘tin problema na Aruba’. Eynan e pasaheronan a wordo informa diripiente cu a cera e aeropuerto di Aruba pa motibo di problema cu airco. A baha tur pasahero di e avion, y awor nan ta pendiente pa e aeropuerto habri bek.