Aeropuerto a stop di procesa pasaheronan temporalmente debi na problema cu airco

ORANJESTAD – Aeropuerto Reina Beatrix diabierna mainta a informa cu nan a stop procesamento di pasahero temporalmente, debi na un problema cu sistema di airco. “Debi na problemanan tecnico no anticipa cu nos sistema di airco, nos ta temporalmente para e procesamento di pasahero” e mensahe a cuminsa bisa. “Den interes y comforabilidad, nos ta pidi tur pasahero cu no a yega aeropuerto ainda, pa no bin aeropuerto por lo pronto” e mensahe ta sigui bisa. “Nos ta monitoriando e situacion y lo provee informacion asina cu esaki ta disponible” nan ta sigui bisa y tambe pa warda instruccion prome cu nan sali pa aeropuerto.