E carera olimpico di Churandy Martina (Corsou) a caba diahuebs na Paris

PARIS - E hombernan Hulandes no a clasifica pa e final di e relevo di 4x100 meter na e Weganan Olimpico na Paris diahuebs. P’esei e carera olimpico di Churandy Martina di Corsou, ta caba despues di seis Wega. E damanan sí a yega final.

Manera a spera, Martina di  cuarenta aña no a tuma accion den e seri di 4x100 meter. E veterano a mira cu su compañeronan Onyema Adigida, Taymir Burnet, Nsikak Ekpo y Elvis Afrifa a termina di ocho y ultimo den e prome serie na Stade de France.

Pa yega final, e cuarteto Hulandes mester tabata den e prome tres of entre e dosnan mas rapido. Cu un tempu di 38.48 seconde, e team tabata cuater diesmo cortico. Italia a termina di cinco den 38.07 y lo ta den e bataya final diabierna anochi.

MARTINA PARTI DI GRUPO SELECTIVO

Na Paris, Martina a  join un lista selecta di dies atleta cu por yama nan mes seis biaha olimpiko. E sprinter a participa anteriormente na e Weganan na 2004, 2008, 2012, 2016 y 2021. Den su prome dos participacionnan, e atleta naci na Curaçao a core den nomber di Antiyas Hulandes. El a hunga pa Hulanda for di London 2012.

Martina tabata den e final Olimpico di e 200 meter tres biaha y dos biaha den e final di e 100 meter. Na 2008, el a termina na di dos luga tras di Usain Bolt den e 200 meter, pero a perdè su medaya di plata pasobra el a crusa e liña cu su pia.

E hombernan ulandes den e 4x100 meter solamente a clasifica pa e Weganan despues di un telenovela largo. E team a gara e ultimo carchi pa Paris. E medayista di plata na e Campeonato Europeo na juni ultimo tabata 0.004 seconde mas liher cu Trinidad y Tobago den e ranking mundial.