KPA: No lo permiti mas pa stroba trafico y blokea caminda vital pa turismo

ORANJESTAD – Mientras cu polis diamars durante e accion di taxistanan tabata basta tolerante, nan mensahe diamars anochi tabata hopi cla. Segun KPA, den cuadro di e desaroyonan di e ultimo dianan, pa cu e manifestacion di taxistanan, Cuerpo Policial den consulta cu Minister di Husticia Sr Rocco Tjon ta informa lo siguiente. 

ORDEN PUBLICO Y RESPET

Polis tey pa orden publico. “Nos ta respeta e derecho cu cada ciudadano tin pa manifesta nan mal contento.  Cuerpo Policial ta respeta esey den un estado di derecho” e cuerpo a laga sa diamars anochi. 

NO TA PERMITI DESORDO

Pero  mes momento e mensahe tabata cla: “No ta permiti pa stroba trafico den nos pais y tampoco pa blokea  camindanan vital pa cu nos turismo y oolis lo actua pa evita cu esaki pasa” e mensahe a bisa. 

Ta spera cu tur cos bay den bon ambiente y cu e orden publico keda prevalece.