Kamala Harris ta scohe Tim Walz como su candidato pa Vice Presidente

WASHINGTON - E candidata presidencial democrata Kamala Harris a nombra Tim Walz como su candidato pa vice presidente. Varios fuente ta informa esaki na CNN y agensianan di notisia AP i Reuters.

Walz ta gobernador di Minnesota y e mester hunga un papel importante den gana e asina yama estadonan swing, of estadonan unda ni e republicanonan ni e democratanan tin un mayoria cla. E estadonan ey ta decisivo den e eleccionnan presidencial di dia 5 di novèmber.

Ya caba tabata spera ku Harris lo a scohe un homber como su compañero di candidatura, cu medionan mericano for di trempan a identifica Walz como un di e contendientenan.

DOCENTE DI GEOGRAFIA

Prome cu el a drenta política, Walz di 60 aña tabata un docente di geografia. E ta tambe un veterano di Guardia Nacional, cu ta desplega na Merca pa calamidadnan natural, por ehempel. E ta gobernador di Minnesota for di 2019. Prome cu esei, el a sirbi den e Camara di Representantenan pa e estado ei pa diesdos aña.

Na 2020, como gobernador, Walz mester a deal cu e morto violento di George Floyd, un homber preto cu a muri na Minneapolis ora un oficial blanco primi su rudia riba su garganta pa varios minuut.