Horcan Debby a laga 4 morto atras na Merca durante su pasada te awor

MIAMI - Por lo menos cuater persona a muri na Merca dor di (awor) tormenta tropikal Debby. E tormenta ta acompaña pa yobida pisa y rafaganan di biento fuerte den e estado di Florida.

Debby a yega tera ayera komo un horcan na Florida ku bientunan di mas o ménos 80 miya pa ora, e Centro Nashonal di Horcan di Merca (NHC) a informa. Riba tera, e horcan a debilita te na un tormenta tropical.

Un chauffeur di truck a muri despues di a perde control den e yobida banda di e ciudad di Tampa. Un mucha homber di 13 aña a fayece ora cu un mata a cay riba su cas. Un dama di 38 aña y un mucha hòmber di 12 aña a muri den un accidente di auto causa pa e tormenta.

Algun caminda ta inunda y hopi mata y pilon di coriente a cay. Cientos di miles di cas ta sin coriente.

GEORGIA I SOUTH CAROLINA

Den estadonan mas nort di e costa zuidoost di Merca, residentenan ta preparando pa Debby. Meteorologonan Mericano ta anticipa cu e pió ta bini ai