E prome grupo di studiante a yega Hulanda dialuna merdia y keda ricibi pa personal di Arubahuis

Posted on 08/5/2024 9:31 am AST | Updated on 08/5/2024 9:41 am AST

ORANJESTAD – E prome di dos grupo di studiante di Aruba a yega Hulanda dialuna mainta (ora di Aruba), pa sigui cu nan estudionan avansa. Ta trata di e grupo di 58 studiante cu ta bay biba na Amsterdam, Arnhem, Den Bosch, Dronten, Enschede, Maastricht, Sittard, Nijmegen, Rotterdam, Tilburg, Utrecht, Wageningen y Zwolle. E aña aki un total di 207 studiante di 247 cu a haya fiansa pa studia, a opta pa bay Hulanda, di cual 118 a haci uso di Arubalening.

DI DOS GRUPO TA SALI DIALUNA

E di dos grupo di studiantenan ta bay biba na Breda, Delft, Den Haag, Eindhoven, Gouda, Groningen, Leeuwarden y Leiden ta sali rumbo pa Hulanda awe dialuna 5 di augustus 2024 pa 7.15 di anochi riba vuelo KL 765 di KLM. En total tin 60 studiante riba e vuelo aki.

PREPARACION

Ta despues di varios luna di anticipacion y preparacion e momento grandi a yega pa studiantenan tuma e gran paso di sigui cu nan estudio. Algun di nan aki den region mes manera na Curaҫao, Canada, Puerto Rico of Merca, mientras algun ta scoge pa sigui aki na Universidad di Aruba of IPA. E gran mayoria sinembargo ta keda scoge pa bay Madre Patria Hulanda. En total Minister di Enseñansa y Deporte hunto cu Minister di Finanzas y Cultura a otorga 247 fiansa pa sigui cu un estudio den exterior. E cantidad di studiante cu ta sigui cu nan estudio den exterior ta reparti di e siguiente forma.

OTRO STUDIANTENAN

Pa locual ta trata e otro paisnan Seccion di Studiefaciliteiten ta informa cu tin 19 studiante cu ta bay sigui nan estudio na Estados Unidos, 7 na Canada, 5 na Curaҫao, 4 na Spanje y 1 na Puerto Rico.

STUDIANDO NA ARUBA

Pa Aruba tin en total 65 fiansa otorga pa Minister di Enseñansa y Deporte hunto cu Minister di Finanzas y Cultura na studiantenan cu ta sigui nan estudio na Universidad di Aruba, IPA of EPI Banda di esaki tin e studiantenan cu ta bayendo sigui nan estudio na Hulanda sin Arubalening, e asina yama Freemovers. Seccion di Studiefaciliteiten no tin un bista di cuanto studiante exacto ta trata akinan, pero di e grupo aki 25 freemovers a aserca Cas di Aruba pa participa den e opvangweek y 5 freemovers ta bayendo riba e vuelo

PVV cu preguntanan tocante corupcion y instabilidad politico na e.o. Aruba
DEN HAAG – Parlamentario di PVV Peter van Haasen a haci preguntanan por escrito na secretario di estado Zsolt Szabó tocante instabilidad político y corupcion den e parti Caribense di Reino. Van Haasen ta preocupa pa corupcion generalisa den e paisnan autonomo di Reino, entre otro Curaçao, Aruba y Sint Maarten.
Mas Hulanda
Lesa Mas
Gabinete Schoof ta presenta programa di gobernacion awe
DEN HAAG - Gabinete Schoof ta presenta programa di gobernacion awe y a manda programa di gobierno pa Camara di Representantenan Esaki a haci’e publico. Mas laat awe tardi, Prome Minister Schoof lo splica prensa e programa. E hecho cu gabinete ta presentando un programa di gobierno ta algo nobo. A palabra den e formashon cu e gabinete mes lo produci un documento pa elaborá e acuerdo di liñanan principal entre e partidonan di coalicion PVV, VVD, NSC y BBB. Segun e partidonan, esaki ta cuadra miho cu e caracter extra-parlamentario di e gabinete, caminda e ministernan ta na un distansia mas grandi for di e Camara di Representantenan.
Mas Hulanda
Lesa Mas
Na Hulanda lider di partido BBB Van der Plas ta menasa di renuncia
DEN HAAG – Lider di BBB Caroline van der Plas ta menasa di renuncia si acaso e manada di bestia wordo forsa pa reduci riba termino largo. Esaki ta loke e lider di BBB a bisa den un conferencia di prensa cu ela convoca na fraccion di BBB despues cu medidanan di stof doloroso a lek via De Telegraaf.
Mas Hulanda
Lesa Mas
Barco ta dal Willemsbrug na Rotterdam, containernan ta bay awa
ROTTERDAM - Un barco di container a acidenta den Willemsbrug na Rotterdam awe mainta. Door di esey, varios container a cay na awa. No ta cla ainda kico e daño ta na e brug of e barco.
Mas Hulanda
Lesa Mas
Szabó: Ta spera cu caida di gobierno na Aruba no stagna reformanan inecesariamente
DEN HAAG - “Ta lamentabel cu gobierno na Aruba a cay” ta e prome reaccion di secretario di estado Hulandes pa Asuntonan di Reino Hulandes Zsolt Szabó na Noticiacla diamars. “ Na bienestar di e hendenan eynan, mi ta spera cu esaki no conduci na stagnacion innecesario di entre otro e reformanan y e otro topiconan cu nos ta trahando riba dje hunto”, e mandatario a finalisa bisando den su reaccion cortico pa e portal aki.
Mas Hulanda
Lesa Mas
Hoben levemente herida despues di hincamento na scol Apeldoorn
APELDOORN - Un hoben a keda levemente herida den un hincamento na ROC Aventus na Apeldoorn, segun polis ta informa. Un mucha muher a huy, pero awor el a wordo deteni, segun polis ta informa. Te ainda no ta cla si e sospechoso y e víctima ta studiantenan na e skol.
Mas Hulanda
Lesa Mas