Valero ta desmenti acuerdo pa para desmantelacion te fin di aña

SAN ANTONIO – E noticia cu Valero a bai di acuerdo pa para desmantelacion di e refineria te por lo menos fin di aña, no ta cuadra. Vocero di e refineria Bill Day a sigura NoticiaCla.com cu e no por confirma e informacion ey. “Valero su plan pa desmantela e refineria ta keda mescos” e vocero a sigura awe, indicando cu nada a cambia. Esey ta contrario na declaracion un di anterior di minister di energia Mike de Meza cu Valero a ‘bay di acuerdo pa para e desmantelacion te por lo menos fin di aña’.

PETICION

Segun e mandatario riba peticion di gobierno di Aruba, e refineria tabata dispuesto pa para e proceso te fin di aña, asina dunando espacio pa posiblemente logra algo. Pero Day, ta sigui bisa cu ‘e proceso pa desmantela e unidadnan ta sigui’. E pregunta specifico tambe tabata si e por a confirma e noticia di gobierno, Day a contesta ‘No mi no por confirma”. Pues pa e refineria, no tin cambio y e proceso ta keda manera e ta aworaki, y cu pa fin di aña nan lo entrega e tereno na gobierno.