Prome Minister di Bangladesh Hasina ta renuncia despues di simannan di protesta masivo

DACA - Prome Minister di Bangladesh Sheikh Hasina a renuncia como PromeMinister. E hefe di ehercito di e pais a confirma esaki den un discurso. Anteriormente a keda anuncia cu Hasina a wordu hiba na un luga safe hunto cu su ruman muhe. Ta ser bisa cu nan ta na caminda pa India. Hasina a renunciadespues di simannan di protesta, cu a resulta den mas ku 300 morto.

E hefe di ehercito a anuncia cu un gobierno interino ta wordo forma y cu el a papia cu tur partido envolvi, incluyendo e principal oposicion BNP. Tambe el a boga pa paz wordo conserva y a bisa cu e lo bin cu un solucion pa e crisis actual awe nochi.

Prome Minister Hasina tabata na poder cu su partido Amiwa League pa binti aña, incluyendo e ultimo diessinco añanan tras di otro. E manifestantenan ta kere cu Bangladesh a converti den un dictadura bou di liderazgo di Hasina.