- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Iran ta enfatisa cu e no ta buscando un guera regional
TEHERAN - Medio Oriente ta bao di tension halto y critica riba e guera entre Israel y Hamas ta aumentando. Despues di e atake Irani riba e estado Hudiu, e brote di guera na Gaza i e teror sangriento di Hamas riba 7 di òktober 2023, e situashon ta na punta di rementa.
Iran a subraya cu e pais no ta buscando un escalacion di tensionnan den e region. Segun e Ministerio di Asuntonan Exterior, ta necesario cu Israel wordo castiga pa e asesinato di e lider politico di Hamas, Ismail Haniyeh, na Teheran siman pasa. Accionnan di e gobierno Irani contra “e regimen sionista” ta inevitabel y lo bin ora e momento ta corecto, e ministerio a bisa.
Oficialnan Irani a indica anteriormente cu Iran no ta buscando escalacion, pero cu e morto di Haniyeh lo wordo represaya. Esei lo a wòrdu hasí “diferente ku biaha pasá”. Na april, Iran a bombardea Israel cu mas o menos tres shen proyectil como vengansa pa un atake mortal di Israel riba e compleho di embahada Irani na Damasco.
Papa Francisco ta kere cu Trump i Harris “ tur dos ta contra bida”
ROMA - Papa Francisco a bisa periodistanan awe cu e ta kere cu e dos candidatonan presidencial Mericano Donald Trump y Kamala Harris “ta tur dos contra bida,” y a urgi ciudadanonan pa vota pa ken ku nan ta considera e “menos di dos maldad.”
Cu ayudo di destinacion Aruba, Wingo ya a surpasa 2 mion pasahero transporta pa 2024
MEDELLIN - Entre january y augustus 2024 Wingo, e compania di aviashon di costo abou di Copa Holdings, a transporta 2.17 miyon pasahero, 17% mas cu durante e mesun periodo na 2023. E cifra aki, nan a destaca, ta sigui e tendencia di e proyeccion cu nan a haci di cera aña 2024 cu mas di 3.4 miyon pasahero, creciendo cu 16% compara cu e aña anterior. “E resultadonan aki pa e di dos cuartal y e prome ocho lunanan di 2024 ta refleha e cresemento sostene y constante di e compania di aviacion den e mercado. Ya caba nos a surpasa dos miyon pasahero transporta y cu esaki nos ta defende nos posicion como e di tres aerolinea mas robusto y relevante di Colombia”, segun Jorge Jimenez, VP Comercial y Planificacion na Wingo.
Donald Trump no kier un otro debate di televishon cu Kamala Harris
WASHINGTON - E candidato presidencial republikano Trump no ta mira sentido pa debatí su rival democrático Harris atrobe. Esaki ta nifica cu un di dos debate pa e eleccionnan presidencial dia 5 di november ta for di discusion.
Biyonario ta haci e prome caminata espacial comercial
MIAMI - Pa promé biaha, ciudadanonan a completa un caminata espacial comercial. No tabatin un ‘caminata ’ real si : tur dos persona enbolbi solamente a saka nan parti ariba di curpa for di e nave espacial y a hasi algun ehercisio di stretch.
Ex presidente di Peru Fujimori a fayece na edad di 86 aña
LIMA - Ex presidente Peruano Alberto Fujimori a fayece na edad di 86 aña, su yiu muhe a anuncia. E tabata presidente di 1990 pa 2000, pero despues a sali den noticia principalmente pa motibo di e acusacionnan contra dje.
Con Harris y Trump a hasi den e debate? 'Harris ta bin dilanti como presidencial'
PITTSBURG - E candidato presidencial democratico Kamala Harris ta wordo considera como e ganado di e debate entre e y e republicano Donald Trump. E actual Vice Presidente di Merca tambe ta parce di a haci ganashi den con e votador Mericano ta pensa di dje, aunke e resultadonan ta trempan ainda y e diferencianan no ta grandi.
Follow NoticiaCla
