Mericano libera ricibi pa Biden: ‘Esaki ta sinti fantastico’

WASHINGTON - E tres Mericanonan cu a sali den libertad ayera despues cu un intercambio di preso cu Rusia a yega Merca. Djis promé cu meianochi ora local, e avion cu a trese e tresnan for di Ankara, Turkia, pa Andrews Air Base cerca di e capital mericano Washington, a baha.

Un pa un, e exs Marine Paul Whelan i e periodistanan Evan Gershkovich i Alsu Kurmasheva a baha e trapinan di e avion, caminda nan a wordo saluda pa presidente Biden i vise presidente Harris. Como un ex solda, Whelan a saluda e comandante y despues a bras’e caluroso.

Despues di e recepcion oficial ey, e famianan di e mericanonan libera a warda y a brasa nan ku aplauso. Whelan a wordo saluda pa su casa, Gershkovich a hisa su mama prome cu e saluda su tata y Kurmasheva a wordo brasa pa su yiu muhenan.

“Esaki ta sinti hopi bon,” Biden a bisa ora a puntr’é pa reaccion inicial. “Nos a bin ta trahando riba esaki pa asina hopi tempo.”