Plasterk: Hulanda ta sostene proyecto ferry entre islanan ABC

WILLEMSTAD – Hulanda ta sostene e iniciativa di e desaroyo di un coneccion rapido entre e islanan Aruba, Bonaire y Corsou. Un coneccion interinsular asina riba laman ta duna e impulso importante na e economia di e tres islanan y ta contribui na e traficacion di hende y producto entre e islanan. Esaki minister di Reino Hulandes Ronald Plasterk a declara awe mainta na e apertura di e conferencia di Reino na Corsou.  E estudio a inicia caba y segun e prome reaccion di minister di transporte di Aruba, Otmar Oduber e ta considera e declaracion ey como uno netamente diplomatico. E tambe (Oduber) ta kere den e plan aki y ta sostene como gobierno e intento. No ta conoci si ki tempo e proyecto por inicia oficialmente, ya cu e ta den e estadio inicial apenas.