• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Merca ta pidi gobierno di Venezuela pa saca datonan specifico riba eleccion

WASHINGTON - “Nos tin preocupacionnan serio cu e resultado anuncia no ta refleha e boluntad ni e votonan di e pueblo Venezolano. Ta crucial pa cada voto wordo conta na un manera husto y transparente, pa oficialnan di eleccion comparti informacion mesora cu oposicion y observadonan independiente sin tardansa,” Secretario di Estado di Merca Antony Blinken a bisa periodistanan dialuna.

Merca ta haci un yamada na e gobierno di Venezuela pa “inmediatamente” divulga datonan specifico tocante su eleccion presidencial, citando preocupacionnan tocante e credibilidad di e victoria di e lider fuerte Nicolas Maduro.

Oficialnan halto di e administracion di Biden dialuna a bisa cu autoridadnan di eleccion Venezolano mester divulga e “resultadonan detaya na nivel di presinto” di e eleccion. Un funcionario halto di administracion a señala cu e datonan aki ta necesario segun ley di Venezuela y mester ta disponibel mesora. Un otro a bisa cu si e resultadonan di eleccion ta creibel, “e ora ei esaki mester ta un acto hopi simpel y unu cu nan lo por cumpli cune basta facil.”

“Si tin resistencia pa duna e informacion adicional ei, e ora ei mi ta kere cu esei ta bira sumamente problematico ora ta trata di e habilidad di Merca of otro miembronan di e comunidad internacional pa husga si e eleccionnan aki tabata en realidad inclusivo y creibel,” e di dos ofisial a bisa.

“Nos preocupacion mas profundo na e punto aki ta cu e analisis y datonan cu nos tin tocante e eleccion aki – cu ta independiente di e resultadonan di Conseho Nashonal Electoral – ta na contraste cu e resultadonan manera nan a wordo anuncia pa outoridadnan Venezolano. Y pues e discrepancia ei, den nos bista, mester wordo investiga y atende prome cu nos por cera e bukinan riba e eleccion aki,” e di dos funcionario a agrega.

E funcionarionan a nenga di duna detaye specifico riba e accionnan cu comunidad Mericano of internacional lo ta prepara pa tuma si autoridadnan Venezolano no divulga e datonan of si e resultadonan wordo determina como fraudulento, pero nan no a descarta sancionnan. Sinembargo, “no ta bou di consideracion actualmente cu nos lo cambia retroactivamente licensianan cu a wordo duna anteriormente,” manera esun di Chevron, e di dos ofisial a bisa.

E prome oficial a bisa cu nan lo cuminsa hiba combersaccionnan den foronan manera e Organisacion di Estadonan Mericano (OAS) y e G7 tocante e “caminda colectivo pa dilanti.”

“Nos lo sigui evalua nos política di sancion pa cu Venezuela na lus di interesnan general di política exterior nacional di Merca, e acionnan i no-acionnan cu ta wordo tuma pa Maduro i su representantenan, i e direcion general di biahe pa loke ta trata nos bilateral mas amplio di Merca compromiso cu Venezuela,” e di dos funcionario a bisa.

E ofisialnan a defende e alivio di sancionnan duna bou di e administracion di Biden, sugeriendo cu e eleccion di diadumingo lo no a tuma luga manera el a tuma luga sin e alivio ei.

“Apesar di tur e problemanan cu nos ta papiando awor, e echo cu Venezuela en realidat a tene un eleccion ayera, cu a permití un candidato di oposicion pa ta riba e carchi di votacion i pa e proceso di votacion por a desaroya solamente a surgi como resultado di e calibracionnan cu nos a caba cu nos política di sancion durante e ultimo aña,” e di dos oficial a bisa. “Awor cu nos ta confronta cu potencialmente un senario nobo, nos ta bai tene cuenta cu esei segun cu nos ta mapa dilanti unda nos por tabatin pa loke ta trata sanccionnan pa cu Venezuela.”