Corsou a den final internacional di Intermediate World Series

CALIFORNIA - Liga Pabou ku ta representando Latino Amérika den e Intermediate World Series, ayera tabatin nan di dos wega den e torneo aki. Esaki ora ku nan a topa e representashon di Asia-Pacific.

E wega a kuminsá ku e representashon di Asia-Pacific pikando dilanti trempan, ora nan a anotá un kareda den kabes di 2 inning. Sinembargo Liga Pabou a bòns bèk ku tres kareda den bòm di 3 inning, pa asina nan gana e partido tambe ku skor di 3-1.

Pa e selekshon di Kòrsou Juan Ramos Cleto Ferreras a gana. Miéntras na bate Yaedon Martie a bati dos hit. Mester resaltá e bon trabou di Jay Wiel ku a bati un doblete i empuhá dos kareda, pero tambe tira 3 inning di blankeo.

E selekshon di Kòrsou Pabou ta bèk den akshon djasabra awor, den e final Internashonal 4’or di atardi ora lokal aki na Kòrsou. Nan lo topa sea e representashon di Puerto Rico òf Asia-Pacific. Tur dos a sufri derota kaba na man di  muchanan di Kòrsou. NOTA: Texto ta scirbi den Papiamento fonetico di Corsou.