Lider di Hamas, Haniyeh, a wordo mata den e capital di Iran, Teheran

Lider di Hamas, Haniyeh, a wordo mata den e capital di Iran, Teheran

Posted on 07/31/2024 9:04 am AST | Updated on 07/31/2024 9:05 am AST

TEHERAN - E lider supremo di Hamas, Ismail Haniyeh, a wordo asesina den e capital Irani Teheran. E movemento militante a anuncia esaki den un declaracion. Israel ainda no a responde na e noticia.

Haniyeh ta e lider politico di Hamas for di 2017. El a bandona e Faha di Gaza na 2019 y a biba den exilio na Qatar. E lider di Hamas tabata na Teheran pa e huramentacion di presidente Irani Masoud Pezeshkian, hunto cu otro funcionarionan di Hamas.

Hamas ta papia di un “atake aereo zionista riba su cas na Teheran despues cu el a asisti na e inauguracion di e presidente nobo di Iran.” Segun e Guardia Revolucionario Irani, un di e guardianan di Haniyeh tambe a muri. E agencia di noticia oficial di gobierno Irani, Fars, ta informa cu Haniyeh a wordo alcansa pa un “proyectil aereo” ayera nochi.

Ainda no ta cla ken ta tras di e atake riba Haniyeh, pero prome minister Israeli Netanyahu anteriormente a bisa cu e lo wordo mata. Israel ta consider’e principalmente responsabel pa e atakenan na Israel dia 7 di october.

  • Powered by SETAR