Website di Hilton pero cu no ta di Hilton

ORANJESTAD – Tin un website di Hilton hotel, cu no ta di hilton hotel. For di algun tempo tin un website cu e url (adres) www.hiltonaruba.com. Riba su mes nada malo cu esey, pero investigacion di NoticiaCla.com ta revela cu e website no ta di ni di Hilton, y tampoco di e grupo cu lo trece Hilton Aruba. Riba e website, tin un countdown, cu ta conta pa e fecha di mayan. Pero mas e no ta bisa, sino solamente cu e ta ‘bou di construccion’, y ta duna un email adres pa mas informacion. Ademas e ta dunabo e oportunidad pa vota pa bo hotel faborito, incluyendo Hilton, Radisson y RIU. Y logicamente Hilton tin mas hits. No ta descarta cu e ta un publicity stunt di hilton, of e grupo local aunke cu e ta wordo nenga. 

REACCION

NoticiaCla.com a manda un mail pero no a haya nada bek ainda. Mas investigacion a confirma cu Hilton a nenga cu e website ta di nan y cu nan lo tin algo di haber cu esaki, y tampoco Aruba Growth Fund. “E website no ta di nos”, NoticiaCla.com a haya como reaccion. Pues mientras cu tin un sentencia pendiente (posiblemente debi na un deal anuncia awe mainta), tin un website cu ta creando un hype, pa e fecha di mayan, pero cu no ta di hilton, siendo cu e ta usando e nomber hilton Aruba. Check e website aki.