Yiu di Corsou sentencia na Marokko tin chens pa haya sentencia menos pa asesinato

MARRAKECH – Tin un speransa chikito pa e yiu di Corsou y Dominicano cu a wordo condena na morto na Marruecos pa un asesinato equivoca den Café la Crème na Marrakech na november 2017. E pareha, e yiu di Corsou Shadyone S. (32) y e Dominicano Edwin r.M. (28) a wordo contrata na november 2017 pa mata un enemigo principal di Ridouan Taghi na Marrakech, pero pa accidente a tira i mata e yiu di un huez halto di Marroco.

E corte mas halto di Maroko a referí e caso di e dos ‘tiradónan di rasta’ bek na corte na Casablanca e luna aki. Segun e hueznan di mas halto, e actitud cooperativo di e dos Hulandesnan no a wordo teni na cuenta suficiente ora di sentencia den apelacion. nan abogado, abogado penal di Den Haag, Bob Kaarls, a confirma esaki ora a puntr’e. E chens awor ta cu e sentencia por wordo converti den uno di bida largo, of por lo menos algo cu no ta pena di morto, manera cu e ta aworaki.