Na Corsou ya tin 8 pareha LGBT a duna otro man

WILLEMSTAD - Despues di e sentensia dia 12 di yüli último di Korte Supremo, mustrando riba kasamentu di personanan di mesun sekso ta legal, ya tin 8 pareha  LGBT ku a duna man.

Esaki e organisashon Human Rights Caribbean ta trese dilanti na momentu ku nan ta enfatisá riba e akto históriko di djasabra pasa ku e promé pareha LGBT ku a kasa na Kòrsou.

Ku e kasamentu aki, Kòrsou ta pone un ehèmpel den Karibe pa e derechi di e komunidat LGBT. Desde e sentensia revolushonario di Korte Supremo, por lo ménos ocho pareha LGBT a bai duna man (ondertrouw).

“Esaki ta un viktoria pa tur hende ku a lucha pa igualdat,” segun Tjon Sien Kie di HRC. “Esaki ta un señal ku nos ta na kaminda korekto.”

Dia 12 di yüli Korte Supremo na Den Haag a konfirmá e sentensia di apelashon. E sentensia aki ta rekonosé ku e definishon di kasamentu den kódigo sivil ta kontra e prohibishon di diskriminashon di e Konstitushon di Aruba i Kòrsou. E tribunal a konkluí ku no tin ningun hustifikashon pa ekskluí pareha di mesun sekso for di kasamentu. Gobièrnu di Aruba i Kòrsou a bai den apelashon kontra e desishon, pero Korte Supremo a sostené e veredikto. Komo resultado, ku pareha di mesun sekso por kasa inmediatamente, sin e nesesidat di un kambio di lei. NOTA: Texto ta scirbi den Papiamento fonetico di Corsou.