Operacion di desembarke di mariniernan riba Eagle Beach

ORANJESTAD - Diabierna awor dia 19 juni 2015 pa 10or di mainta lo tuma lugar un espectaculo maritimo impresionante dilanti di e costa di Eagle Beach. Na e horizonte tin e barco mas nobo y mas grandi di Marina Real, Zr.Ms. Karel Doorman. For di e barco ta sali un grupo di mariniernan, abordo di embarcacion nan di desembarke direction pa beach. Unabes nan yega canto, nan lo core direction di hotel pa einan hasi nan ehercicio.

KAREL DOORMAN

Zr.Ms. Karel Doorman ta den e region di Caribe pa hasi midimento nan climatologico. E barco completamente nobo aki ta navega y ta ehecuta ehercicionan caba, pero no ta ful acaba ainda. E barco a bin den zona west pa mira con tur instalacionnan tecnico ta reacciona riba humedad halto y temperaturanan di awa. A presenta un oportunidad unico pa por hasi un training desembarke anfibio cu e squadron di mariniernan staciona na Savaneta. Esaki nunca antes a wordo hasi for di e Karel Doorman.

CONSTRUCCION

E Joint Support Ship Karel Doorman ta construi specificamente pa por abastece otro embarcacion nan ariba lama. Ademas e por transporta hopi personal y material, vehiculonan y embarcacion. E ta extremadamente adecua pa desembarca personal y material y material den regionnan caminda cu no tin un waf. E ta un base di salida logistico ariba laman caminda cu desde e barco ta ehecuta operacionnan riba tera y por brinda apoyo. E ultimo aki ta precisamente locual diabierna awor lo bai train.

PARTNERNAN

Otro partnernan maritimo banda di Karel Doorman tambe lo participa na e ehercicio. Guardacosta den region Caribe y e Cuerpo di polis Aruba lo apoya e desembarcacion anfibio. Conhuntamente nan ta forma un taskforce fuerte pa por ehecuta e bon operacion aki ariba tera.