FIFA a instrui federacion di futbol di Corsou FFK pa pospone nan eleccion di directiva nobo

WILLEMSTAD - Djasabra awor mester tabatin e elekshon pa direktiva nobo di FFK. Esaki sinembargo lo no sigui, despues di un karta di FIFA na presidente di FFK Ramiro Griffith.

Den e karta aki FIFA ta bisa di a keda informá di e diferente retonan ku FFK a enfrentá den e proseso elektoral, partikularmente kumplimentu di statütnan i kódigo elektoral.

Pa motibu di esaki dia 23 di yüli tabatin dos reunion separá entre FIFA, CONCACAF, Komité Elektoral di FFK i Komishon di Apelashon. Den e karta FIFA ta bisa tambe ku kada un komité a duna splikashon riba e situashon aktual.

For di esakinan FIFA a identifiká diskrepansia den e desishon i manera di apliká statütnan i regulashon di FFK. FIFA a informá tambe ku e Komité di Apelashon ainda no a presentá nan desishon kompletu relashoná ku e apelashonnan en kuestion.

Mirando tur esaki FIFA konhuntamente ku CONCACAF a instruí FFK pa posponé e elekshon pa direktiva nobo, ku tabata plania pa djasabra 27 di yüli.

Esaki ta nifiká ku un biaha mas miembronan di FFK mester warda riba un fecha nobo, pa elekshon di direktiva di FFK. NOTA: Texto ta scirbi den Papiamento fonetico di Corsou.