Merca a gara yiu di El Chapo y ‘El Mayo’ Zamada di cartel di Sinaloa

EL PASO - Dos lider di e cartel di droga Sinaloa di Mexico a wordo deteni na Merca. E ta regarda Ismael ‘El Mayo’ Zambada, e hefe di e cartel, y yiu di su predecesor Joaquín Guzmán, miho conoci como ‘El Chapo’.

E aresto di nan dos tabata na El Paso, Texas, poco despues cu nan a baha riba un avion priva. Esaki a wordo anuncia door di fiscal general di Merca, Merrick Garland. Tur dos ta sospecha di contrabanda di droga na gran escala pa Merca, el a bisa.

Zambada tabata e fundador di Sinaloa Cartel hunto cu Joaquín Guzmán. E ultimo a wordo extradita pa Merca na 2017 i ta sintando un castigo di bida largo.

E cartel ta un di e organisacionnan criminal Mexicano mas poderoso. E ta comercia den cocaina y fentanyl, entre otro, cu ta wordo contrabanda no solamente pa Merca pero tambe pa Europa.

Merca a ofrece un recompensa di 15 miyon dollar pa informacion cu lo a conduci na detencion di Zambada.