Southwest Airlines, despues di 50 aña a dicidi di stop di ofrece asiento no asigna

NEW YORK - Southwest Airlines, un di e cuater aerolineanan Mericano mas grandi, a dicidi di stop di ofrece asientonan no asigna despues di mas di mey siglo. Pronto, pasaheronan lo haya un asiento di antemano, manera ta e caso caba cu casi tur otro aerolinea.

Clientenan di Southwest ainda por scoge nan propio asiento abordo, pero segun e compania, “preferencianan di consumidor” a cambia den transcurso di añanan. Investigacion extenso a mustra cu asignashon di asiento awor ta un miho opcion.

Sinembargo, algo otro ta pasando den fondo: Southwest ta bou di preshon creciente di accionistanan pa mehora e rentabilidad. Pa decadanan e tabata e compania di aviacion Mericano mas probechoso, pero competencia manera Delta awor ta haciendo mihó.

Dor di pre-asigna asientonan, Southwest por cobra pasaheronan pa e miho asientonan abordo y  pa asientonan cu espacio extra pa pia, manera casi tur otro compania di aviacion ta haci. Ki dia e maneho nobo lo drenta na vigor lo wordo anuncia despues di zomer.

POLÍTICA DI EKIPAHE GENEROSO

Southwest, cu ta bula mas cu 800 Boeing 737 denter di Noord America, no a (ainda) anuncia ningun cambio den e política di ekipahe generoso di e compania. Como resultado, clientenan ta permití pa hiba dos maleta cu nan como standard por lo pronto sin un costo adicional.