Diasabra tin prome matrimonio entre personanan di mesun sexo na Curaçao

WILLEMSTAD - Dos muher ta casa cu otro diasabra na Curaçao, loke ta hasi nan e prome pareha di mesun sexo cu ta casa den e pais. Mas o menos dos siman pasa, Corte Supremo a dicta cu hende di mesun sexo por casa mesora na Aruba y Curaçao.

E pareha cu ta casa diasabra a presta nan mes pa e demanda pa haci matrimonio entre personanan di e mesun sexo posibel na Curaçao. Un caso identico a wordo entrega na Aruba. E casonan a wordo entama pa fundacion Fundacion Orguyo Aruba y na Curaçao pa Fundacion Derechonan Humano Caribe.

Corte Comun di Husticia di Aruba, Curaçao, Sint Maarten y di Bonaire, Sint Eustatius y Saba ya caba a dicta dia 6 di december 2022 cu personanan di e mesun sexo mester por casa na Aruba y Curaçao, pero e gobiernonan di e dos paisnan a opone esaki den apelacion.

For di 12 di juli a permiti personanan di e mesun sexo pa casa riba e islanan y for di e tempu ei, ademas cu e pareha ta casa diasabra, ocho pa nuebe pareha a casa riba Curaçao, un vocero di Fundacion Caribe di Derechonan Humano a bisa. Na Aruba matrimonionan di mesun sexo ta tardando un tiki mas. Segun un vocero di Fundacion Orguyo Aruba, esaki ta debi cu no tin luga na Registro Civil te cu october.