- ATA: E mercado di Brazil ta sigui crece: 91% te cu Mei 2025
- Entrenamento forense di CARICOM ta fortalece e lucha contra crimen cu arma di candela den Caribe
- Turismo for di Latino America creciendo den aña 2025
- Iran ta lansa contra-atake ‘cu por lo menos 100 drone’ despues di ofensiva di Israel
- Jeon ta kibra silencio riba impasse cu Kenley Jansen
Medidanan drastico pa garantisa seguridad durante eleccion na St. Maarten
W’STAD/PHILIPSBURG - Konseho di Minister di St. Maarten a tuma un kantidat di medida pa garantisá seguridat di un i tur durante temporada di kampaña ku ta aden i pa riba dia di elekshon mes ku ta 19 ougùstùs awor. Ta prohibí benta di alkohòl riba dia di elekshon i ta prohibí aglomerashon di hende tantu riba dia di elekshon komo den e periodo di kampaña promé ku elekshon.
Esaki den kuadro di e kaso di tiramentu dia 17 yüli kaminda lider di partido OMC, Olivier Arrindell tabata envolví i e dama ku tabata huntu kuné e anochi ei a fayesé a konsekuensia di heridanan di bala ku el a sufri.
Promé ku e kaso aki a mira kaba un oumento den kasonan di violensia na St. Maarten ku uso di arma di kandela. Pa e motibu aki promé minister demishonario, Luc Mercelina a bisa ayera durante e konferensia di prensa di konseho di minister ku ta prohibí benta di alkohòl riba dia di elekshon.
Tampoko lo permití aglomerashon di grupo di simpatisante polítiko na e urnanan elektoral riba dia di elekshon. Mercelina ta bisa ku e no ke pa siudadanonan sinti nan mes intimidá, menasá òf influensiá ora e ta bai vota. “E siudadano mester por hasi su eskoho den tur trankilidat.”
Mas aleu Mercelina a anunsiá ku no ta permití mas pa tene reunionnan públiko den temporada di kampaña. Reunionnan públiko den airu liber ta popular ainda na St. Maarten komo un manera pa kore kampaña i komuniká ku gruponan grandi di siudadano.
Mercelina a bisa ku gobièrnu a disidí ku no ke aglomerashon di hende kaminda ta krea situashonnan menasante miéntras no por garantisá seguridat di esnan ku ta asistí na e reunionnan aki. E promé minister demishonario ta atmití ku ta trata di medidanan drástiko.
E medidanan ta radikal, Mercelina ta atmití, pero na su opinion mester tuma esakinan pa garantisá seguridat di poblashon di St. Maarten den e periodo elektoral ku ta aden.
Militar
Despues di e kaso di tiramentu ku morto di 17 yüli último Mercelina ta bisa ku e siguiente dia e tabatin reunion di krísis ku Ministerio Públiko, Minister di Hustisia, servisio di seguridat, VDSM, hefe di Kuerpo Polisial i presidente di parlamento. Algun dia despues a amplia e reunion ku miembronan di parlamento.
Meta tabata pa sòru ku tin seguridat pa pais. Pa logra den esaki a disidí di buska 25 polis èkstra di Kòrsou, Aruba, Saba i St. Eustatius. Tambe a haña asistensia di e tim di aresto di Kòrsou i alabes RST ta manda 23 personal èkstra pa yuda den e trabounan pa garantisá seguridat. NOTA: Texto ta scirbi den Papiamento fonetico di Corsou.
Riba dia di elekshon mes, esta 19 di ougùstùs e kuerpo boluntario di St. Maarten, VKS lo yuda den mantenshon di órden públiko i gobièrnu di St. Maarten ta negoshando ku Marechaussee pa duna asistensia durante e periodo promé i despues di elekshon. Finalmente Mercelina ta bisa ku a pidi alabes asistensia militar for di Hulanda.
“No ta tolerá ku via violensia ta influensiá prosesonan demokrátiko di St. Maarten. Komunidat no a kustumbrá ku e situashonnan aki i mi lo tuma tur medida nesesario pa komunidat di St. Maarten por bai bèk na e bida ku nan a kustumbrá kuné.”
Seis prezo di Sint Maarten temporalmente traslada pa Boneiro
KRALENDIJK – Recientemente a traslada seis prezo di e prizon Point Blanche na Sint Maarten pa Boneiro. E movementu ta sigui despues di un candela recien na e prizon dia 14 di mei ultimo y tencionnan pa motibo di derechonan di detencion limita y condicionnan malo, incluyendo scarsedad di personal y falta di facilidadnan. Abogadonan ta keha tocante e falta di consulta durante e traspasonan y e confidencialidad reduci di comunicacionnan. Autoridadnan ta enfatisa cu e traspaso ta temporal. Unabes cu e situacion riba Sint Maarten ta bou di control, e prezonan lo regresa. Ta bon pa menciona cu Aruba tambe a manda refuerso pa e isla ora cu e problema despues di candela a surgi.
Hefe di polis di St Maarten scogi como prome Vice Presidente di ACCP
GEORGETOWN/PHILIPSBURG – Durante e di 39 Reunion Anual di e Association of Caribbean Commissioners of Police (Asociacion di Hefenan di Polis Caribense (ACCP), cu a tuma luga di 12 pa 16 di Mei 2025 na Arthur Chung Conference Centre na Georgetown, Guyana, Comisario Carl John, Hefe di Cuerpo Policial di Sint Maarten y Presidente di e Colegio di Hefenan di Polis di e parti Caribense di Reino Hulandes, a keda scogi como prome Vice-presidente di ACCP.
Bon gobernacion y empresario lokal ta central durante bishita di Szabó na Boneiro
KRALENDIJK – Secretario di Estado Zsolt Szabó (Digitalisacion y Relacionnan den Reino) ta na Boneiro di 25 pa 28 di mei. Ademas di e discucionnan cu Conseho Ehecutivo, Gobernador y Representante Nacional Interino, Sr. Szabó lo bishitavarios compania y organisacion social. E prioridadnan clave di e Secretario di Estado ta autosuficiencia economico, bon gobernacion y finansa solido. Tur e topiconan aki ta wordo discuti durante e combersacionnan.
Reunion na Antigua a confirma cu turismo pa Caribe ta den bahada pa cuartal 3 di 2025
ANTIGUA – Durante e reunionan di turismo actual na Antigua, ATA a confirma cu turismo pa Caribe ta den bahada pa cuartal 3 di 2025. Tambe por remarca cu e reunionnan ta refleha un Caribe den bahada pa loke ta turismo Mericano den cuartal 3 2025. Un Aruba cu si ta mustra stabil por lo general, pero cu necesidad di pusha extra tambe pa cu cuartal 3 2025. Preocupacionnan pa cu e situacion na Merca a wordo subraya pero di otro banda tambe e resiliencia di e mundo di biahe y turismo y di Aruba, cu ta sigui ta parti di e top 5 di destinacionnan mas fuerte den Caribe.
Aruba ta presenta su vision pa sector agricola modern durante DCALFA na Boneiro awe
KRALENDIJK - Durante Dutch Caribbean Agriculture, Livestock, and Fisheries Alliance (DCALFA), cu ta inicia awe na Boneiro, minister Geoffrey Wever ta representa Aruba. Minister Wever ta presente hunto cu Sra. Nathalie Maduro di Santa Rosa y Sra. Maria Dijkhoff-Pita di Departamento di Asunto Economico, Comercio y Industria (DAECI). DCALFA ta uni representante di tur isla den Caribe Hulandes y Hulanda mes, pa fortifica cooperacion den agricultura, cria di bestia y pesca — e base pa seguridad alimenticio y desaroyo economico duradero den region. Aruba lo presenta su vision pa un sector agricola moderno, innovativo y inclusivo, cu infrastructura clave manera Santa Rosa, e Agri-Innovation Park y e futuro Center of Excellence.
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Follow NoticiaCla
