Ministerio Publico no lo apela sentencianan di caso di apelacion di Avestruz

ORANJESTAD – “Despues di e studia cuidadosamente y cu atencion e decision di Hof den e caso Avestrus, OM a dicidi pa no bay den casacion”. Asina vocero di Ministerio Publico Ann Angela a confirma pa Noticiacla diaranson merdia. Esaki kier men cu e sentencianan (si e sospechosonan no apela nan sentencia) di e Corte di Apelacion, lo bira definitivo. Esaki ta importante pa e cuater sentencianan di e sospechosonan cu a keda absolvi esta Mansur, Nuñez, Werleman y Harms. Nan sentencia ta bira irrevocable y cu esaki, nan episodio ta yega na un fin positivo pa nan.

MOTIVACION DI OM

Segun OM, Hoge Raad (Casacion) lo no wak e hechonan di nobo. Pero e lo wak si e proceduranan legal a bay bon y si Hof a motiva su decision na un manera bon y comprendibel. 

OTRO SENTENCIANAN

Noticiacla a confirma cu tur tres sospechoso (di cual dos a haya nan sentencia aumenta), esta Sussebeek, Arends Sevinger, si lo apela nan sentencia.