Curso “Oil Spill Training” auspicia pa Curoil na APA

ORANJESTAD - Den cuadro di e area nobo di negoshi di bunkering na Aruba, ehecuta pa Curoil Aruba, Aruba Ports Authority N.V. a forma parti di e Oil Spill Training dia 11 di juni. E curso, cu a wordo ofreci pa Curoil door di e compania Lamor, a tuma lugar den un “class-room” environment na Renaissance y tambe ariba “field” ariba tereno di APA N.V. mes.

PARTICIPANTENAN

Esnan cu a sigui e curso, mayoria personal cu ta activamente parti di e proceso, a haci esaki cu e boom di waf di Oranjestad. E ekipo en cuestion ta wordo uza durante di cada “ship-to-ship” bunkering na waf, como prevencion den evento di un emergencia di un oil-spill.

RIESGO

Segun Irvin Gil-Nautical Manager na Aruba Ports Authority N.V.: Ta importante pa esnan envolvi ta bon na altura y tin e training necesario como precaucion den situacionnan cu tin riesgo di polucion di azeta.

EKIPO

E ekipo lo wordo uza den awanan “harbor-side” y lo sigura proteccion di e awanan bou hurisdiccion di e waf di “discharge” accidental of den cualkier otro situacion na waf pa contene cualkier producto di contaminacion.