Delta Airlines ta enfrenta investigacion federal pa cancelacion masal di buelo

NEW YORK – E aeroliña Delta Air Lines ta bou di investigacion pa e Ofisina di Proteccion di Consumida di Aviashon di e Departamento di Transporte di Merca mientras e compania di aviashon ta kita cientos di buelo pa di cinco dia consecutivo despues cu un actualisacion di software defekto di e compania di seguridadcibernetico CrowdStrike a destrui sistemanan di Microsoft rond mundo. E cancelacionan no ta afecta Aruba si. Aruba tin dos buelo di Delta awe diamars y tur dos ta netchi na ora pa yega awe. 

HOPI CANCELACION 

Mientras cu e interupcion a impacta hopi negoshi, for di bendedonan te na aerolineanan, mayoria a recobra nan mes y a reanuda operacionnan regular. Te ku 8 a.m. Eastern riba diamars, sinembargo, Delta a cancela 415 buelo, surpasando hopi e canselashonnan di cualke otro compania di aviacion di Merca, segun datonan di e tracker di buelo FlightAware.

Den un declaracion diamars, e Departamento di Transporte a bisa cu e “ta investigando Delta Air Lines despues di interupshonnan di buelo generalisacontinuo y informenan di fayonan di servisio na cliente preocupante.”