Aletanan di Aruba a cuminsa nan entrenamento na Paris pa aclimatisa pa Olimpiada 2024

PARIS - Awe na 4 dia ta duna inicio na e Weganan Olimpico Paris 2024 y e atleta di natacion Chloë Farro a hasi su prome entrenamento aki na Paris. Mester bisa cu e prome training t’e ainda no a tuma lugar den e piscina oficial caminda e competencia lo ta tumando lugar pero na uno alternativo situa na L’odyssée Aulnay-Sous-Bois. Awe mainta atleta Farro lo completa su prome entrenamento den e piscina oficial pa e Weganan Olimpico. 

ABANDERADONAN

Diabierna awo Mikel Schreuders hunto cu Chloë Farro lo ta e abanderadonan di nos delegacion na e Ceremonia di Apertura cu lo ta uno completamente diferente den comparacion cu otro Weganan Olimpico.

VAN AANHOLT Y WESTERA 

 Just van Aanholt y Ethan Westera a completa nan prome entrenamento awe na Marseille

Awe e atleta nan cu lo representa nos isla den e deporte di Vela, Just van Aanholt y Ethan Westera a completa nan prome entrenamento. Diadomingo ultimo cu tabata programa pa e prome entrenamento nan tuma lugar esaki mester a ser cancela debi na mal tempo.

For di Philipine van Aanholt, Deputy Chef de Mission na Marseilla a duna di conoce cu Ethan Westera a hasi inspeccion di su material nan cu lo uza durante Weganan Olimpico Paris 2024 diadomingo ultimo y tur cos ta na ordo.