Cierre di frontera cu Venezuela ta vigente te fin di augustus proximo

ORANJESTAD - "E autoridad  aeronautico di Aruba a dicidi di prolonga pa   e prohibicion di vuelonan comercial di pasahero, di carga y di aviacion general pa y for di Venezuela un luna mas". Asina e informacion ta circula den medionan Venezolano den fin di siman. Sinembargo prome minister Evelyn Wever Croes a sigura Noticiacla dialuna mainta cu esaki ta incorecto. Esaki pasobra ningun momento a 'prolonga esaki pa un luna so mas'. Segun e mandatario, a bira custumber cu esaki ta pa 3 luna cada bez. Y e ultimo, ta vence na augustus proximo. E no ta compronde unda e informacion robez aki a sali den medionan Venezolano.

E RAPORTAHE DI VENEZUELA  

Juan Gotopo, vise presidente di e Camara di Comercio La Vela de Coro den estado Falcon, a informa den fin di siman, cu e medida a drenta na vigor dia 20 di juli y lo dura te ku 20 di augustus 2024. Algo cu ta robez pues. 

Di su banda, Rodolfo Ruiz, abogado specialisa den asuntonan aeronautico, a yama e medida “curioso”, mirando cu anteriormente e renobacion tabata pa 3 luna y e biaha aki e tabata solamente pa 30 dia. Algo cu tambe ta robez, pasobra semper e tabata 3 luna. 

“Curiosamente, el a renob’e solamente pa un (1) luna y no pa tres luna manera e ta haciendo ultimo añanan”, el a skirbi riba su rednan social.