Record nobo: Hulanda actualmente tin un total di 1.2 miyon miyonario

AMSTERDAM - Hulanda actualmente tin un cantidad record di miyonario. No menos cu 1.2 miyon miyonario ta biba den nos pais. 

HULANDA SOLAMENTE NA DI DIESUN LUGA

Aña pasa, e agencia di dato Canades Visual Capitalist a conduci un estudio riba prosperidad mundial. Visual Capitalist a usa e cifranan di e Global Wealth Report, cu ta raportnan traha pa e banconan Suiso Credit Suisse i UBS. Esaki ta mustra den cua pais mas hopi miyonario ta biba. Apesar di e cifranan positivo cu Hulanda tin, e pais no ta na cabes di e ranking. Cu 1.2 miyon miyonario, Hulanda ta solamente na di diesun luga.

MERCA TIN MAS MIONARIO

Na e parti ariba nos ta haña Merca. Cu un poblacion imprecionante di casi 23 miyon hende cu ta doño di por lo menos un miyon dollar na rikesa, Merca ta gana tur otro pais na mundo. Na di dos luga nos ta haña un otro pais enorme. No tin menos ku 6.2 miyon hende bibando na China cu a surpasa e balor neto di un miyon dollar. Solamente nos ta haya Hulanda na di diesun luga. Cu 1.2 miyon miyonario, Hulanda no ta bayendo malo at all. Cu un poblacion di alrededor di 18 miyon, esaki ta nifica cu 1 di cada 18 Hulandes ta miyonario.

Sinembargo, un nuansa chikito mester wordo agrega. E investigacion a usa dollar mericano. Un dollar ta igual na 0,92 euro. Esei ta nifica cu un miyon dollar ta mescos ku 918.200 euro. Hende cu ta doño di entre 918.200 euro i 1.000.000 euro pues tambe ta wordo etiketa como miyonario den e estudio. De facto, 1 di cada 18 persona na Hulanda tin activonan di mas cu 918.200 euro. No ta malo tampoco. Ta cla cu Hulanda ta funciona bon den e sector empresarial. E miyonario promedio tin mas o ménos 59 aña di edad.

PRONOSTICONAN NEGATIVO

Tres aña pasa, Hulanda tabatin 317.000 hogar miyonario, segun Estadistica Hulanda. Ta trata di hogarnan y nan ta consisti di varios persona. Den famianan miyonario, e miyones di activo tambe hopi biaha ta wordu pasa. Di e manera aki, e cantidad di miyonario no necesariamente ta baha hopi fuerte, aunke mas y mas miyonario ta wordo agrega den transcurso di añanan.