Pronostico actualisa pa e temporada a bira pio awor cu mas horcan

COLORADO - Meteorologonan di Universidad Estatal di Colorado a actualisa nan pronostico pa e temporada di horcan di Atlantico 2024, y e noticia no ta bon. Pronosticadornan a aumenta nan pronostico, siguiendo pronosticando un temporada “extremadamente activo” cu 25 tormenta nombra. Esey ta dos tormenta mas cu e pronosticonan anterior.

“Nos ta anticipa un probabilidad hopi riba e promedio pa yegada di horcan grandi canto di e costa continental di Merca y den Caribe,” e pronostico a bisa, agregando ku “Horcan Beryl, un horcan tropical profundo di Categoria 5, tambe ta un probable presagio di un   temporada hiperativo."

Tur pronostico pa e temporada di 2024 a pronostica un temporada riba normal, cu pronosticonan di AccuWeather ta bai asina leu di bisa cu ta posibel pa e recòrd di 2020 di 24 tormenta nombra por wordo kibra.

Aki ta loke e pronosticonan di Colorado State University ta pronostica pa e temporada den nan pronostico di 9 di juli:

• Tormentanan cu nomber: 25 (promedio ta 14.4)

• Horcan: 12 (promedio ta 7.2)

• Horcannan grandi: 6 (promedio ta 3.2)

Aki tin un comparacion banda di otro di e pronostiko di CSU di juli pa e temporada di horcan aki cu esun emiti dia 11 di juni. E pronostico di juni tabata mescos cu e prome pronostico di e universidad cu a sali na april.

• Tormentanan cu nomber, juni vs juli: 23, a aumenta te na 25

• Horcannan, juni contra juli: 11, a aumenta pa 12

• Horcannan grandi, juni vs juli: 5, a aumenta te na 6