Premier di St Maarten cu discurso nacional relaciona cu intento di asesinato riba politico Arrindell

PHILLIPSBURG – Prome minister di St Maarten, dr. Luc Mercelina diahuebs mainta a manda palabra di condolencia pa e casa di e politico Olivier Arrindel cu diaranson anochi a keda alcansa durante un caso di tiramento y a fayece. E politico mes a keda herida, pero ta ok. “Mi condolencia pa tur esnan afecta pa e tragedia aki” Mercelina a bisa. “No tin lugar pa e tipo di violencia akin a St Maarten, bou di ningun circumnstancia, Nos no mester permiti e tipo di violencia aki di bira algo comun”. E mandatario lo tene un discurso nacional awe nochi riba e tema aki. 

INTENTO DI ASESINATO 

E minister di husticia di e isla, Lewis, ta yama esaki un atake politicamente motiva. Tabata ayera nochi ora cu e politico Olivier Arrindell a keda herida den un intento di asesinato. Su casa a wordo tirá mata.

E caso a sosode den oranan laat di anochi, ora un homber arma a habri candela riba e auto den cual Arrindell tabata sinta hunto cu su casa y yiu muher. Su yiu muhe tambe a resulta herida. Despues Arrindell a core bai un hotel serca di Maho, algun miya leu. Eynan el a purba sconde den lobby di e hotel.

Unabes den un ambulance, Arrindell a graba un video cu ta mustra su herida di bala. Den dje el a acusa su oponentenan politico di ta tras di e atake. “Nan a purba mata mi. Mi no sa con mi casa ta. St Maarten, esaki ta serio,” el a bisa. E momentoey, e politico no tabata sa ainda cu su casa a wordo asesina. E minister di Husticia di e isla tambe ta mustra riba un atake politicamente motiva.

Ataca corupcion

E empresario Arrindell recientemente a inscribi como politico y su partido Oualichi Movimento pa Cambio (OMC) pa e eleccionnan benidero na Sint Maarten.  Cu su partido nobo e kier “ataca y elimina corupcion, nepotismo y cronismo den gobierno di Sint Maarten”.

Aña pasa e tabatin un discucion cu e tempo ey Prome Minister Silveria Jacobs. Arrindell a akus’é di corupshon i intimidashon. Pa motibo di su declarashonnan, Arrindell mester a presenta den Corte. Eynan el a haya ordo pa tuma tur cos bek y a haya un castigo si e sigui cu su declaracionnan.

Esei no a stroba Arrindell. De echo, el a anuncia cu e lo participa na e eleccionnan cu su partido nobo.