S&P: Aruba ta mantene su BBB+ rating

WASHINGTON – E organisacion Standard & Poors diabierna a mantene e rating di Aruba e aña aki manera esun di e aña anterior, esta na BBB+/A-2 y e panorama na ‘stabil’, y su calificacion di credito soberano riba termino cortico y largo tambe como stabil. Esaki ta refleha un democracia parlamentario stabil, prospero y su status dentro di Reino Hulandes. Un biaha mas ta sigura cu e laso directo cu Hulanda ta proteha nos isla. (lesa aki kico e ratingnan kier men).

RELATO

S&P ta relata riba e situacion di e aña tras di lomba, incluyendo e problemanan cu presupuesto, creacion di un CAFT, y tur ta pasonan cu segun S&P, ta yuda cu e rating stabil logra e aña aki. “Nos panorama stabil ta refleha nos bista cu e PIB lo conoce mas crecemento y cu e posicion fiscal lo gradualmente stabilisa Aruba su problema di deficit y sostene e likides externo sostenibel.

REACCION GOBIERNO

Gobierno di Aruba den un reaccion cortico diadomingo, a referi na e noticia aki, y ta papia di ‘e grato noticia di Standard & Poor’s unda cu nan a establece e rating di credibilidad pa pais Aruba na BBB+ pa 2015’. Segun gobierno, ‘esaki ta nifica cu e rating di aña pasa a stabilisa y cu poco poco Aruba ta drechando su finanzas publico’. Lesa e informe original di S&P aki.