Aruba ta cay venci contra Barbados 1-0 y ta wordo elimina

BRIDGETOWN – Cu e score di 1-0 contra, Aruba a cay venci contra e ekipo di Barbados diadomingo anochi y keda asina elimina for di clasificatorio pa mundial Russia 2018. Esey no ta kita afo cu e nivel di wega di Aruba tabata mucho mas superior na Barbados, cu na Aruba. Hopi oportunidad Aruba a haya pa score, pero no a probecha di dje. Barbados mientrastanto na final di e wega, a haya un chens y si a tira y marca e unico goal. Cu e wega aki Barbados ta clasifica y ta pasa pa e siguiente ronda.

TRANSMISION

Tabata atardi laat cu NoticiaCla a haya e primicia y anuncia cu Telearuba a haña e señal pa transmiti e wega en vivo, en cadena cu Blue FM 107.5FM. Esey a pone cu tur hende tabata ‘claba’ na television pa mira e partido y asina biba e 90 minuutnan reglamentario di e wega. NOTA: E foto principal ta di e wega Aruba-Barbados den Guillermo Prospero Trinidad siman pasa.